A Mocidade Socialista Galega, organización da mocidade nacionalista integrada en Galiza Nova, quere convidarvos a participar neste grupo de discusión "E ti, estudante, por que pasas da política?", dentro da súa serie de actos arredor da participación socio-política da mocidade.
A politización da sociedade en xeral, e da mocidade galega en particular, é extremadamente baixa. Non é unha nova recente que grande parte da mocidade opta pola abstención nos procesos electorais, nin é nova a tendencia a asumir os valores dominantes. Segundo o estudo elaborado polo Observatorio Galego da Xuventude dependente da Dirección Xeral de Xuventude ostentada polo noso compañeiro Ruben Cela, o 65'19% da xente nova manifesta ter pouco ou ningún interese pola política, apenas un 13,19% manifesta o seu interese por colaborar cun partido político e menos dun 9% colabora ou colaborou con eles.
Non podemos achacar unicamente ese desinterese ás longas xornadas lectivas e laborais, sen dúbida parte da explicación, pero a outra parte, indefectibelmente, é a incapacidade das organizacións políticas e de estudantes de ilusionar e incitar á acción política. A nación galega e a súa viabilidade futura precisan de que o nacionalismo xuvenil lidere e hexemonice o discurso político xuvenil, para que o ámbito universitario sexa, doutra volta, viveiro de votos e de cadros para o BNG.
Da LOU a Boloña
A participación da mocidade está afectada por un declive do capital social que se constata nos diferentes estados, marcados pola desafección e apatía. En Galiza, cun asociacionismo se cadra aínda máis feble, os últimos anos do goberno Fraga foron dunha considerábel axitación social: asembleas populares en contra da LOU, Nunca Máis, Non á guerra. Mais logo disto chegou un período de relaxación do que aínda se está a recuperar o movemento estudantil. Os datos falan por si sós. Na Universidade, nin tan sequera se chega ao 1 % de participación de xeito permanente en asociacións estudantís.
TÍTULO DO DEBATE: PARTICIPACIÓN SOCIOPOLÍTICA DA MOCIDADE. O CASO ESTUDANTIL. A RESPOSTA DO NACIONALISMO GALEGO.
Participan no grupo de discusión
Xosé Manuel Beiras, Catedrático
Filipe Diez, Profesor de instituto
Carlos Aymerich , Doutor en Dereito Administrativo
Angel Tallón pola MSG, Estudante de Maxisterio
Antom Fente polo EI , Estudante de Filoloxia
Antia Fdez. Mirás por Isca!, Estudante de Dereito
Pablo Belay pola MSG, Estudante de Informática
É polo propia configuración do sistema universitario? Polas organizacións estudantís que operan nel?Como analizar a realidade estudantil? Son as organizacións estundantis próximas a esa realidade?Existen máis opcións dende a perspectiva nacionalista e de esquerdas para a autoorganización do estudantado?Que modelo sería o axeitado? Como facer que o movemento estudantil volta ser un viveiro de votos e cadros para o BNG?
