| Article Index |
|---|
| A diferenza salarial entre as mulleres e os homes na Galiza. |
| AGAL - A diferença salarial entre as mulheres e os homes na Galiza. |
| All Pages |
Elas cobran 5 000 € menos ao ano.
As mulleres cobran de media arredor de 5 000 € menos ao ano segundo os datos aportados polo Instituto Galego de Estatística referidos ao 2008.
É dicir, as mulleres cobran darredor dun 25% menos que a media salarial dos homes. Valor que queda moi por riba do que se dá no resto da Unión Europea, que cae ata o 17%.
Segundo o Instituto Galego de Estatística, son as pontevedresas as que maior diferenza teñen cos homes, cobran ata 5.200 € máis cada ano (un 27,29% menos que os varóns). Despois van as coruñesas, cunha brecha salarial do 26,36% e case nunha mesma diferenza salarial do 20% as mulleres de Lugo e Ourense.
As entidades financeiras e aseguradoras son as que máis recortan o salario das mulleres, que cobran neste sector un 43,3% menos. E é na construcción (8,5% menos) e no sector dos transportes e das comunicacións (18,1% menos), onde a brecha salarial por sexo é menor.
Por idades, as rapazas aínda o teñen máis difícil, pois as galegas de entre 18 e 25 anos cobran arredor dun 30% menos que os homes. Ademais, un 33% das traballadoras galegas obteñen un soldo igual ou inferior ao salario mínimo interprofesional, fronte a un 18% nos homes.
A fenda salarial por sexo débese principalmente:
Á discriminación directa: menos soldo polo mesmo traballo;
- Á "desvalorización" do traballo da muller: págaselles menos por traballos do mesmo valor;
- Á segmentación do mercado laboral: sectores feminizados e masculinizados; e
- Á tradición, aos estereotipos e ao "déficit de corresponsabilidade masculina", segundo o cal as cargas familiares e de coidados de maiores e crianzas seguen recaendo nas mulleres.
ARTIGOS DIXITAIS DE XORNAL.COM
- http://www.xornal.com/artigo/2010/02/22/sociedad/ellas-necesitan-trabajar-meses-mas-ganar-mismo-ellos/2010022211093000115.html
- http://www.xornal.com/opinions/2010/02/22/Opinion/igualdade-menos/2010022221331200135.html
- http://www.xornal.com/artigo/2010/02/22/sociedad/mujeres-cobran-000-euros-menos-ano-galicia/2010022222432001602.html
